З 4 па 8 снежня ў нашай школе праходзіў прадметна-метадычны тыдзень па беларускай мове і літаратурнаму чытанню сярод навучэнцаў ІІ-ІV класаў.
Мэта правядзення: паказаць метадычныя прыёмы і формы арганізацыі ўрочнай і пазакласнай дзейнасці вучняў пачатковых класаў, якія забяспечваюць павышэнне матывацыі і пазнавальнага інтарэса.
Прынцып правядзення прадметнай нядзелі – кожны вучань з’яўляецца актыўным удзельнікам усіх падзей тыдня.
Мерапрыемствы тыдня праходзілі згодна з распрацаваным планам. Праграма правядзення прадметнага тыдня адлюстравала розныя формы і метады вучэбнай дзейнасці. Удала спалучаліся калектыўныя і індывідуальныя формы работы, вялікая ўвага надавалася развіццю інтэлекта вучняў.
Пры падрыхтоўцы мерапрыемстваў тыдня настаўнікі мелі магчымасць пазнаёміцца з метадычнай літаратурай па пытаннях прымянення сучасных адукацыйных тэхналогій, праводзіліся кансультацыі.
Адкрыццё прадметнага тыдня адбылося 4 снежня, у час правядзення лінейкі. На адкрыцці вучні былі азнаёмлены з планам правядзення тыдня. У той жа дзень вучні прынялі актыўны ўдзел у конкурсе малюнкаў па творах беларускіх пісьменнікаў “Казачны свет”.
5 снежня дзеці пазнаёміліся з біяграфіяй Я.Коласа. Асабліва спадабалася ім віртуальная экскурсія ў музей знакамітага пісьменніка.
6 снежня праходзіў конкурс чытальнікаў вершаў беларускіх паэтаў, які праходзіў у школьнай бібліятэцы.
7 снежня у другім класе прайшоў урок беларускай мовы па тэме “Перанос слоў”, які правяла Сокал Ірына Уладзіміраўна. Урок адзначаўся разнастайнасцю прыёмаў і метадаў навучання, форм арганізацыі ўрока. Настаўніца старалася працаваць творча.
У апошні дзень тыдня прайшло пазакласнае мерапрыемства “Востраў гульняслоў”, у якім прынялі ўдзел вучні ІІ-ІV класаў.
Мерапрыествы, якія праходзілі на працягу тыдня, былі цікавымі і пазнавальнымі, арыентаваныя на максімальнае раскрыццё творчых і інтэлектуальных магчымасцей кожнага вучня.
Па выніках правядзення тыдня можна зрабіць наступную выснову:
настаўнікі выкарыстоўвалі элементы сучасных тэхналогій і методык выкладання: праблемнае навучанне, інтэрактыўнае і групавыя метады работы.
Усе настаўнікі на працягу тыдня паказалі добрыя арганізатарскія здольнасці, стварылі святочную творчую атмасферу.